O secretario local de Compromiso por Galicia en Santa Comba, David Barbeira, presentou unha solicitude no rexistro municipal para que o goberno local convoque aos representantes das distintas forzas políticas a unha xuntanza, para organizar un acto conxunto con motivo do día internacional da muller traballadora, que se celebra o vindeiro 8 de marzo.
Barbeira informa que está «á disposición do goberno local para entre todos organizar o citado acto trasladando unha imaxe de unión de toda a veciñanza deste concello», xa que entende que esta «é a mellor maneira de honrar ás nosas mulleres traballadoras».
