Suso Mosquera faleceu este martes 13 de febreiro aos 74 anos de idade. Mosquera foi secretario xeral de UGT-Galicia entre 1980 e 2005. Segundo o sindicato «entre os seus logros está o de transformar e modernizar as estruturas da UGT que deron como froito que o Sindicato se convertera na primeira forza sindical galega».
Foi deputado do PSdeG no Parlamento Galego desde o 1985 ata o 1988 cando dimitiu como apoio á convocatoria dunha Folga Xeral. Desde o ano 2005 ata a data do seu pasamento era o presidente da Fundación Luis Tilve.Os seus restos están no tanatorio SERVISA ( Avda. Da Pasaxe, S/N15006 A Coruña) onde serán, previsiblemente, incinerados este mércores, segundo informan desde UGT.