O Partido Socialista de Fisterra celebrou a súa asemblea na que o concelleiro Alexandre Domínguez Lado liderou a única candidatura presentada, sendo escollido como secretario xeral. Aínda que é novo, Domínguez xa leva anos na acción política, de feito, en 2008, xa fora elixido para esta responsabilidade.
Conforman a executiva Soledad Vilela Romero (organización e administración), Rocío Mariño López(igualdade de política social), Romina Pazos Canosa (política municipal),Juan Marcos Marcote Buiturón (acción electoral), e o alcalde José Marcote Suárez coordinando a secretaría de turismo e medio mariño.Os socialistas gobernan o concello de Fisterra en coalición co BNG.
