O centro sociocultural «José Saramago» de Vite, en Santiago de Compostela, acollerá o vindeiro sábado, 27 de xaneiro, desde as 17,30h a presentación da Assembleia Nacional Galega (ANG) que como explican os seus promotores non é un partido político senón «uma associação de cidadãos e cidadãs galeguistas e aberta a toda a sociedade galega».Tampouco dependen de ningún partido nin organización sindical.
No acto haberá unha quenda para informar sobre o funcionamento e os proxectos da ANG e un debate aberto coa participación do público. Tamén haberá unha actuación do cantautor César Morán, un recital poético con Iolanda Aldrei e Concha Rousia e o canto do himno galego para rematar a xornada.