Un choque entre dous vehículos, rexistrado esta tarde en Santa Comba, deixa unha muller ferida. O sinistro ocorreu nunha estrada de Mallón, na parroquia de Cícere.
Foi unha persoa particular a que alertou do accidente ao 112 Galicia, ás 17:30 horas desta tarde. Acto seguido, dende a central de emerxencias do 112 informouse ao 061-Urxencias Sanitarias e aos Bombeiros do Xallas. A situación tamén foi posta en coñecemento de Protección Civil e da Garda Civil de Tráfico.
