Accidente laboral en Malpica de Bergantiños. Un operario que se atopaba traballando no tellado dunha casa tivo que ser trasladado ata o Hospital da Coruña despois de caer ao chan. Segundo se lle indicou ao 112 Galicia, o traballador precipitouse dende unha altura de dous metros.
Foi un particular quen alertou ao 112 Galicia do ocorrido ás 17:05 horas. Indicaba no seu relato que a persoa estaba consciente, pero tiña dor nas costas.
Dende o Centro Integrado de Atención ás Emerxencias 112 Galicia púxose, de inmediato, a situación en coñecemento do 061-Urxencias Sanitarias, da Garda Civil e de Protección Civil.