Os Bombeiros de Santa Comba liberaron esta madrugada a un condutor atrapado no interior do vehículo que conducía.
A escasos minutos das 04:00 horas desta noite, un particular chamaba ao 112 Galicia para pedir axuda. Informaba dunha saída de vía dun turismo que circulaba pola estrada que une as localidades coruñesas de Santa Comba e Negreira, concretamente, ao pasar o Polígono de Santa Comba.
Tras indicar que a persoa estaba ferida e atrapada no interior do turismo, dende o 112 Galicia, de inmediato, alertouse a Urxencias Médicas e aos membros do parque comarcal. Tamén, dende o Centro de Atención ás Emerxencias do 112 solicitouse a colaboración dos axentes de Tráfico e de Protección Civil da localidade.
Unha vez liberada, a persoa foi evacuada polo persoal sanitario ao centro hospitalario de referencia.
