Unha persoa tivo que ser liberada tras quedar atrapada a súa perna nunha fresadora na Laracha. A vítima vai ser trasladada a un centro hospitalario polo helicóptero medicalizado con base en Santiago. Os feitos sucederon na parroquia de Montemaior, no lugar de San Fins. Urxencia Médicas alertaba do accidente ao 112 Galicia ás 12:00 horas.
Decontado, dende o CAE 112 Galicia pasábase o aviso aos Bombeiros de Carballo, a Protección Civil de Laracha e á Policía Local.
