Os Bombeiros liberaron un neno en Arteixo ao que lle quedou atrapada unha perna nunha varanda. Os feitos tiveron lugar nos vestiarios dun colexio situado en Oseiro.
O 112 Galicia recibiu o aviso dos Bombeiros da localidade ás 20:30 horas da pasada tarde. O rapaz foi liberado coa axuda dun equipo de excarceración. No operativo tamén participou a Policía Local.
Segundo se lle indicou ao 112, o menor atópase en perfectas condicións. Con todo, Urxencias Médicas, tras recibir a alerta do 112, decidiu mobilizar unha ambulancia para avaliar o seu estado.