O defensa central de As Pontes, Adrián Bouza, é dende hoxe novo xogador do Laracha.
O pontés, que conta cunha gran traxectoria en Terceira División na cal militou durante as súas estadías no As Pontes, o Cerceda, o Narón, o Bergantiños, o Dorneda e o Silva, chega ao Municipal para aportar experiencia ao equipo que dirixe Félix García.
Coa súa chegada ao Laracha, Adrián Bouza é a quinta fichaxe do conxunto que preside Canito e terá a oportunidade de volver a compartir vestiario co seu irmán Élmer.