O partido galeguista que lidera Xoán Bascuas segue poñendo bandeiras verdes no mapa de candidaturas para as vindeiras eleccións municipais.
Despois do traballo que veñen desenvolvendo os tres concelleiros de Compromiso por Galicia en Muros, estaba prevista esta candidatura. Pero había un proceso, unhas primarias abertas a cidadanía que se celebraron a pasada fin de semana. E nelas foi elixida María Xosé Alfonso Torres.
Deste xeito, Alfonso Torres aspirará a alcaldía dun concello gobernado polo PSdeG (Caridad González) e no que o primeiro partido da oposición (PP) tamén estará liderado por unha muller, Inés Monteagudo.
María Xosé Alfonso leva como concelleira desde 2005, foi presidenta dunha ANPA do municipio e pertence a comisión executiva nacional de Compromiso por Galicia.