Ao fío das 17:30 horas da tarde, un particular informaba ao 112 Galicia dun coche envorcado na DP-192, no quilómetro 1, en Coristanco. Ao pouco confirmábase que unha das persoas que se atopaban dentro do vehículo era incapaz de saír polos seus propios medios.
Á súa chegada, os Bombeiros de Carballo fixeron uso do seu material de excarceración para liberala, tralo que sería evacuada polos servizos sanitarios.
Neste operativo tamén participaron os membros do GES de Carballo, a Garda Civil de Tráfico e Protección Civil de Coristanco.
Información-AXEGA 112
FOTO-Bombeiros de Carballo
