Informa AXEGA 112
Nun dos vehículos viaxaban cinco ocupantes, entre eles un bebé. No outro, só o condutor. Todos requiriron asistencia sanitaria.
O 112 Galicia recibiu o aviso deste accidente a través da chamada dun particular, cinco minutos despois das 17 horas. Na conversa, o alertador indicou que acababan de colidir dous vehículos no quilómetro 4 da DP-1912, en Silván (parroquia de Erbecedo). Ademais, apuntaba que había varias persoas feridas.
Ata o lugar tiveron que desprazarse varias ambulancias, que atenderon e evacuaron aos feridos, namentres o GES de Ponteceso fíxose cargo da limpeza da vía.
No operativo, ademais de Urxencias Sanitarias de Galicia-061, participaron tamén o GES de Ponteceso, a Garda Civil de Tráfico e os voluntarios de Protección Civil de Coristanco.
