Segundo informaron desde AXEGA, en Santa Comba, os bombeiros comarcais deberon intervir para liberar a outra condutora que quedou atrapada no vehículo tras envorcar na AC-400, ao paso por Montouto.
Segundo a información recollida no 112 Galicia, o coche no que viaxaba quedou virado sobre o lateral sen posibilidade de que a ocupante puidera saír polos seus propios medios. Ademais, sufría unha dor intensa na cadeira, que facía necesaria a intervención dos equipos de rescate.
Igualmente, foi atendida polos profesionais de Urxencias Sanitarias de Galicia-061, quen se ocuparon do seu traslado ao centro médico de referencia.
Este operativo, que se activou ás 9:30 horas, completouse co apoio dos membros do Servizo Municipal de Protección Civil de Santa Comba e cos axentes da Policía Local e Garda Civil de Tráfico.
