Info AXEGA 112 -Falece unha persoa en Camariñas tras caerlle enriba unha árbore nunha finca da súa propiedade
Os servizos sanitarios tan só puideron confirmar o pasamento da persoa.
O 112 Galicia recibía dez minutos antes das doce e media deste mediodía o aviso por parte do persoal sanitario, que solicitaban axuda para liberar a unha persoa á que lle caera unha árbore enriba, cando facía traballos nunha finca da súa propiedade en Xaviña.
Con estes datos, desde o 112 pasouse aviso aos Bombeiros de Cee, que finalmente non chegaron a intervir, posto que, a persoa estaba liberada. Así o indicaron os servizos sanitarios cando novamente contactaron co 112 para confirmar o falecemento da persoa.
Ademais dos Bombeiros tamén foron informados polo 112 Galicia os axentes da Garda Civil e os membros da Agrupación de Voluntarios de Protección Civil da localidade.
