Unha traballadora dun restaurante de Cabana de Bergantiños sufriu queimaduras e inhalou fume a causa dun incendio declarado nun pendello anexo ao local.Sucedeu no lugar da Pedra, na parroquia de Nantón.
O 112 Galicia recibiu a alerta do incendio moi preto das once e media desta mañá, a través dos axentes da Garda Civil de Tráfico.Axiña, desde o CIAE 112 Galicia pasouse o aviso aos Bombeiros de Carballo, ao GES de Ponteceso, á Garda Civil e a Urxencias Sanitarias de Galicia-061.
Segundo a información facilitada polos membros do Servizo de Prevención, Extinción de Incendios e Salvamento de Carballo, a muller tivo que ser trasladada a un centro médico. Por outra banda, o incendio, que xa está extinguido, comezou no almacén e danou parte da instalación eléctrica e unha cámara frigorífica. Ademais, o restaurante quedou afectado polo fume.
INFORMA AXEGA 112
