– AXEGA 112-
O 112 Galicia rexistrou na tarde de hoxe un accidente no que se viron implicados dúas motos que circulaban pola AC-400, ao paso polo concello de Mazaricos. Como consecuencia do impacto, un dos motoristas sufriu lesións de consideración, polo que foi evacuado ao centro hospitalario de referencia polos servizos sanitarios.
Tras a colisión, unha das motos comezou a arder e foi necesaria a intervención dos membros do GES de Muros para atallar as lapas, que consumiron por completo o vehículo.
Preto das catro horas o 112 Galicia recibiu un aviso dos profesionais sanitarios, que solicitaban a colaboración dos equipos de intervención para restablecer as condicións de seguridade na vía despois da colisión.
Así, para prestar apoio aos equipos de intervención desprazados, desde o Centro Integrado de Atención ás Emerxencias de Galicia pasouse aviso aos Bombeiros de Santa Comba, aos axentes da Garda Civil de Tráfico, aos efectivos de Protección Civil de Mazaricos e ao servizo de mantemento das estradas.
