Tres persoas resultaron afectadas a causa dun incendio na habitación dun piso en Arteixo.Segundo a información facilitada ao 112 Galicia polos Bombeiros da localidade, ardeu un colchón na estancia e o fume afectou ao resto da vivenda.
O 112 Galicia tivo coñecemento do incendio ás doce da madrugada, a través dunha persoa particular, que alertaba dun incendio na habitación dun piso da Travesía de Pastoriza.
Acto seguido, o persoal do CIAE 112 Galicia solicitou a intervención dos Bombeiros de Arteixo, de Urxencias Sanitarias de Galicia-061, da Policía Local e do Servizo Municipal de Protección Civil.
informa AXEGA 112
