Un incendio nun barco atracado no peirao de Muros causou danos na embarcación, sen que ningunha persoa resultase ferida.Concretamente, arderon varias redes e material de pesca na parte dianteira do barco.
Os feitos sucederon moi preto das cinco da pasada madrugada. Foi a esa hora cando unha persoa particular contactou co 112 Galicia para alertar do incendio ao 112 Galicia e, axiña, os xestores do CIAE-112 Galicia requiriron a intervención do GES de Muros e da Garda Civil.
Ademais, desde o 112 Galicia informouse a Salvamento Marítimo, aos Bombeiros de Cee, a Urxencias Sanitarias de Galicia-061, ao Servizo de Gardacostas de Galicia e a Protección Civil da localidade.
Informa-AXEGA 112
