Informa-axega 112
A persoa foi atendida polos servizos sanitarios de urxencia logo de ser excarcerada polos bombeiros ao sufrir unha saída de vía co vehículo no que viaxaba no concello de Santa Comba.Segundo a información facilitada ao 112 Galicia, o sinistro produciuse ás 09:15 horas. Foi a esa hora, cando os profesionais de Urxencias Sanitarias de Galicia-061 comunicaban a mobilización dunha ambulancia por mor dun turismo envorcado, tras sufrir unha saída de vía no lugar de Barbeira.
Con estes datos, o Centro Integrado de Atención ás Emerxencias puxo en coñecemento do suceso aos Bombeiros de Santa Comba, aos axentes da Garda Civil de Tráfico, Policía Local e aos membros de Protección Civil da localidade.
Rematada a intervención, o Servizo de Prevención, Extinción de Incendios e Salvamento xalleiro confirmou ao 112 que foi preciso o uso do material de excarceración para liberar á persoa ferida que quedou atrapada no interior do turismo