Segundo informa Axega 112, en Muros, unha persoa resultou ferida ao ser alcanzado por un vehículo na estrada que une as localidades de Esteiro e Noia, concretamente na recta de Creo.
O 112 Galicia tivo coñecemento do atropelo ao fío das 22:45h da pasada noite, a través da chamada dunha persoa particular. Acto seguido, desde o CIAE 112 Galicia púxose a situación en coñecemento dos profesionais sanitarios, da Garda Civil de Tráfico, dos membros do GES de Muros e dos voluntarios de Protección Civil da localidade.
