Informa-AXEGA 112
Dous adultos e un bebé tiveron que ser trasladados ao Complexo Hospitalario Universitario de Santiago de Compostela despois de presentar síntomas de intoxicación por inhalación de monóxido de carbono.
Segundo a información facilitada polo GES de Muros ao 112 Galicia, a causa da intoxicación debeuse posiblemente á mala combustión dun quentador avariado na vivenda na que se atopaban os afectados, na rúa Porteliña, en Muros.Foi á unha e media da madrugada cando o 112 Galicia recibiu a alerta do escape de gas a través de Urxencias Sanitarias de Galicia-061.
A partir de aí, os xestores do CIAE 112 Galicia solicitaron a intervención do GES de Muros, da Garda Civil e da empresa subministradora do gas.
