10.2 C
Santa Comba
sábado, junio 15, 2024

As forzas da orde investigan un incendio nunha casa en Cabana de Bergantiños onde resultou ferida unha muller

informa-axega 112

As forzas da orde tratan de aclarar as circunstancias que rodearon o incendio dunha vivenda en Neaño, Cabana de Bergantiños, no que resultou ferida unha muller.Os feitos ocorreron pasada a unha desta madrugada, cando os veciños percibiron un cheiro a combustible e escoitaron os berros dunha persoa pedindo auxilio.

Decontado, chamaron ao 112 Galicia para dar conta da situación e solicitar asistencia de forma urxente. Así, con estes datos, os xestores do Centro Integrado de Atención as Emerxencias de Galicia informaron aos profesionais de Urxencias Sanitarias de Galicia-061, que enviaron unha dotación ao punto para prestar asistencia á ferida, pois presentaba queimaduras importantes en diferentes partes do corpo.

Ademais, pediuse a colaboración dos membros do GES de Ponteceso e dos Bombeiros de Carballo co fin de facer fronte ao incendio, que se concentraba nas partes altas da casa, isto é, cuberta e baixo cuberta. Precisamente, durante as labores de extinción, os equipos de Ponteceso e Carballo puideron confirmar o forte cheiro a combustible que tamén percibiran os veciños.

Deste xeito, os axentes da Garda Civil comezaron unha investigación para aclarar as circunstancias nas que se produciu o incendio, e indagar sobre a relación da muller ferida coa propiedade afectada, xa que estaba en vías de volver a ser ocupada polos seus donos.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,250SuscriptoresSuscribirte

Últimos artigos