Axentes da Xefatura da Policía Autonómica con sede en Santiago identificaron ao presunto autor dun lume rexistrado o pasado 1 de xaneiro na parroquia de Ponte do Porto, no que se viron afectados 8.000 metros cadrados de monte arborado.
Segundo estas fontes «Froito da investigación, os axentes tomaron declaración a un varón que no día de Aninovo lanzou artefactos pirotécnicos desde a súa vivenda provocando lapas que, debido ás rachas de vento, se estenderon ao monte. Os membros da UIFO colaboraron na inspección ocular levada a cabo no lugar do incendio».
As dilixencias por estes feitos remitíronse ao xulgado de garda de Corcubión.
