En Vimianzo, foi precisa a intervención dos Bombeiros de Cee para evacuar a un condutor e único ocupante dun vehículo que se precipitou por un desnivel cando circulaba pola AC-441, no punto quilométrico 16, no Alto das Seixas, no concello de Vimianzo.
Segundo o relato dos Bombeiros, que se desprazaron ata o lugar nada máis ser avisados polo 112 Galicia, debido ao impacto, o teito solar do coche rompeu e, tras estabilizar o turismo, puideron sacar ao ferido polo oco do teito.
O 112 Galicia tivo constancia do accidente ás 15:45 horas desta tarde. Foi, a esa hora, cando unha persoa particular informaba dun coche precipitado por un terraplén, segundo o alertante, dunha altura aproximada duns cinco metros.
A partir de aí, os xestores do 112 informaron ao Servizo de Urxencias Sanitarias de Galicia-061, aos Bombeiros de Cee, á Garda Civil de Tráfico, á Policía Local e aos efectivos da Agrupación de Voluntarios de Protección Civil da localidade.
INFORMA AXEGA 112
