Pese aos intentos de reanimación, por parte dos profesionais sanitarios, nada se puido facer por salvarlle a vida.O accidente ocorreu a escasos minutos das 00:00 horas desta madrugada.
Foi, a esa hora, cando unha persoa particular comunicou ao 112 Galicia que acababa de ver desde a súa casa como un motorista, que circulaba á altura de Cancelo de Abaixo, na saída da Autoestrada, caera da moto que conducía e estaba tirado no chan.
Con estes datos, os xestores do 112 pasaron aviso de inmediato ao Servizo de Urxencias Sanitarias de Galicia-061 e á Garda Civil de Tráfico, ademais, puxeron os feitos en coñecemento dos Bombeiros de Carballo.Nada máis chegar ao lugar, os servizos sanitarios tan só puideron confirmar o falecemento do varón.
Info-AXEGA 112
