Unha persoa faleceu a noite pasada no concello de Cee tras ser alcanzada por un vehículo na Avenida de Fernando Blanco, á altura do número 99.O accidente produciuse ás 19:30 horas e ata o lugar desprazouse un equipo médico, que tan só puido confirmar o falecemento da vítima.
Nada máis recibir a chamada, na cal o alertante solicitaba asistencia médica urxente para unha persoa que sufrira un atropelo na AC-550, os xestores do 112 Galicia informaron decontado aos profesionais de Urxencias Sanitarias de Galicia e aos Bombeiros de Cee.
Desafortunadamente, malia os esforzos dos equipos de intervención, nada se puido facer por salvarlle a vida.
No operativo tamén participaron os axentes da Garda Civil de Tráfico, membros de Protección Civil de Cee e o servizo de mantemento das estradas, que axudaron a recuperar as condicións de seguridade na vía.
Fonte- AXEGA 112
