AXEGA 112-
Un accidente con tres vehículos implicados, en Padrón, obrigou a trasladar a unha persoa.Pasadas as once da mañá, un particular daba aviso ao 112 Galicia de que se acababa de producir unha colisión por alcance entre tres coches na estrada N-550, ao seu paso polo lugar da Escravitude, en Padrón. Así mesmo, solicitaba asistencia sanitaria para unha persoa que resultaba ferida.
Con esta información, os xestores do CIAE-112 Galicia comunicaron os feitos ao Servizo de Urxencias Sanitarias de Galicia – 061, a Garda Civil de Tráfico, ao GES de Padrón e á Policía Local.
Unha vez no punto, os servizos de emerxencias confirmaron que había tres coches implicados no accidente e que unha persoa precisara ser trasladada polos servizos sanitarios.
Por último, desde o Centro Integrado de Atención ás Emerxencias de Galicia (CIAE-112) solicitouse a intervención do servizo de mantemento de estradas para restablecer e garantir as condicións de seguridade da vía.