Unha persoa foi rescatada, esta mañá, do interior do coche que manexaba e co cal sufriu unha saída de vía e quedou envorcado, en Dumbría.Ao fío das oito e media, unha testemuña do sinistro contactou co 112 Galicia para informar de que un vehículo estaba envorcado na estrada AC-552, no punto quilométrico 81, e que a persoa que o conducía estaba atrapada dentro do mesmo.
Inmediatamente, os xestores do CIAE-112 comunicáronllo aos Bombeiros de Cee, aos profesionais de Urxencias Sanitarias de Galicia – 061, á Garda Civil de Tráfico e aos membros de Protección Civil.Xa desde o punto, os Bombeiros indicáronlle ao 112 que tiveron que cortar o parabrisas do turismo para poder sacar á persoa do seu interior e que fose atendida polo persoal sanitario.
FONTE-AXEGA 112
