AXEGA 112-
Os bombeiros liberaron a unha persoa que quedara atrapada no seu vehículo tras sufrir unha saída de vía no lugar de Bustelo, no concello de Dumbría.Un particular informaba, arredor das dez da mañá, ao 112 Galicia dunha saída de vía dun vehículo, que dera varias voltas de campá e no que, posiblemente, houbese persoas atrapadas.
Recibida esta chamada, os xestores do CIAE-112 Galicia deron aviso do sinistro aos Bombeiros de Cee, ao Servizo de Urxencias Sanitarias de Galicia – 061, á Garda Civil de Tráfico e Protección Civil de Dumbría.Unha vez no lugar, os bombeiros confirmaron ao 112 Galicia que tiveran que estabilizar o vehículo e liberaran, pola parte de atrás do coche, a unha persoa, que foi trasladada ao Hospital Virxe da Xunqueira de Cee.