AXEGA 112-
O helicóptero Pesca I de Salvamento Marítimo rescatou, a pasada tarde, a un home que caeu ao mar nunhas rochas próximas á praia da Arnela, en Fisterra.Foi un familiar da vítima quen avisaba ao 112 Galicia, ás sete da tarde, de que a persoa caera, levara un golpe na cabeza e non conseguía saír da auga.
Con estes datos, de xeito inmediato, os xestores do CIAE-112 Galicia puxeron os feitos en coñecemento dos servizos sanitarios, da Garda Civil, de Salvamento Marítimo, do Servizo de Gardacostas de Galicia e de Protección Civil de Fisterra.Salvamento mobilizou dúas embarcacións ata o lugar, ademais do helicóptero Pesca I, que foi quen rescatou ao home para trasladalo, posteriormente, ao Hospital Virxe da Xunqueira de Cee onde, finalmente, segundo informou Salvamento Marítimo ao 112 Galicia, faleceu.
