Informa-AXEGA 112
No concello de Vimianzo, un incendio nun vehículo agrícola calcinou por completo un pendello na parroquia de Tines. Afortunadamente, non houbo que lamentar danos persoais.
Preto da unha hora da tarde, o 112 Galicia recibiu o aviso dunha persoa que solicitaba axuda para conter as lapas que afectaban a cabina dun tractor almacenado no interior dun alpendre.
Decontado, os xestores do 112 pasaron aviso aos Bombeiros de Cee, aos axentes da Garda Civil e aos efectivos de Protección Civil de Vimianzo. Unha vez no lugar, os medios de extinción confirmaron que a construción quedou totalmente consumida polas lapas, o que incluíu o vehículo agrícola e tamén algo de leña almacenada.
