Fonte-AXEGA 112
Un total de seis persoas resultaron feridas este mediodía despois de producirse un accidente entre tres turismos ao seu paso pola localidade coruñesa de A Baña.No momento de producirse o sinistro, os coches circulaban pola AC-444, á altura de Paredes.Foi un particular quen deu aviso ao 112 Galicia, sobre as 15:15 horas. Indicaba que había tres vehículos implicados e que, ademais, entorpecían o tráfico.
Con estes datos, os xestores informaron decontado ao Servizo de Urxencias Sanitarias de Galicia-061, aos Bombeiros do Xallas e á Garda Civil de Tráfico.Xa no lugar dos feitos, o persoal sanitario confirmou ao 112 que seis persoas tiveran que ser trasladadas por resultar feridas.
Os Bombeiros de Santa Comba e o persoal do servizo de mantemento da estrada tamén se desprazaron ata o punto co fin de realizar as tarefas de limpeza da vía.