AXEGA 112-
A muller, tras ser excarcerada, foi trasladada en ambulancia polos servizos sanitarios de urxencia.Todo sucedeu sobre as once e media da pasada noite, a esa hora, un particular contactaba co 112 Galicia para informar dun vehículo accidentado na AG-55, á altura do punto quilométrico 56, en Baio, dirección Coruña, no concello coruñés de Zas, sen asegurar se había persoas feridas ou atrapadas no interior do vehículo.
Con estes datos, desde o 112 Galicia pasouse aviso ao Servizo de Urxencias Sanitarias de Galicia-061, aos Bombeiros de Santa Comba, de Carballo, aos membros do GES de Ponteceso e á Garda Civil de Tráfico. Así mesmo, puxéronse os feitos en coñecemento do persoal do servizo de mantemento da vía que, nada máis chegar ao punto, indicaron que o coche accidentado estaba envorcado cunha muller atrapada no seu interior.Finalmente, xa no lugar dos feitos, os Bombeiros de Santa Comba confirmaron a excarceración da muller e única ocupante do vehículo.
