Axega 112
Os equipos de intervención rescataron esta tarde un home que levou un golpe mentres pescaba nunha zona de rochas no porto de Malpica de Bergantiños.O 112 Galicia tivo coñecemento da situación do pescador ás seis, a través dunha persoa particular.
Axiña, desde o CIAE 112 Galicia solicitouse a intervención da Policía Local, da Garda Civil e de Urxencias Sanitarias de Galicia-061. Ademais, o persoal do 112 Galicia informou dos feitos a Salvamento Marítimo, ao Servizo de Gardacostas de Galicia, aos Bombeiros de Bergantiños, ao GES de Ponteceso e a Protección Civil.Finalmente, segundo confirmaron ao 112 Galicia os axentes da Policía Local, unha vez rescatado, o pescador foi atendido dun golpe na cabeza polo persoal sanitario.
