INFO-AXEGA 112
Segundo a información facilitada ao 112 Galicia, o suceso tivo lugar ao fío das 23:20 horas da pasada noite na Avenida de Razo, no concello coruñés de Carballo. De acordo co relato da persoa que chamou ao 112 para alertar da situación, un turismo caeu por un acantilado e rematou a traxectoria no areal da Praia de Razo. Durante a comunicación o alertante indicou que os ocupantes do vehículo puideron saír do interior polos seus propios medios, pero debido á altura considerable do desnivel, seguramente necesitaban asistencia sanitaria.
Alí acudiron os profesionais sanitarios para atender e evacuar a unha persoa que sufriu lesións de diversa consideración a causa do impacto. Ademais, desde o 112 Galicia pasouse aviso aos Bombeiros de Carballo, aos axentes da Garda Civil de Tráfico, da Policía Local e aos efectivos de protección Civil da localidade.
Igualmente, desde o CIAE púxose a situación en coñecemento dos equipos de Salvamento Marítimo e Gardacostas de Galicia, por se fose necesaria a súa colaboración.
Os equipos de intervención que acudiron ao lugar do accidente informaron ao 112 que a retirada
