Informa- AXEGA 112
Un home necesitou ser trasladado, esta madrugada, despois de sufrir un atropelo, no concello de Carballo.
Arredor das 01:00 horas, varias persoas contactaron co 112 Galicia para solicitar asistencia médica para un señor que acababa de ser atropelado na estrada que une Carballo con Malpica, a altura de Cances.
De inmediato, os operadores do Centro Integrado de Atención ás Emerxencias de Galicia (CIAE-112) alertaron aos servizos médicos, aos axentes da Garda Civil de Tráfico, á Policía Local, aos Bombeiros de Carballo e a Protección Civil.
Finalmente, os membros da Agrupación de Voluntarios de Protección Civil de Carballo comunicáronlle ao 112 que a persoa tivo que ser trasladada ao Complexo Hospitalario Universitario da Coruña. Ademais, tamén indicaron que realizaron tarefas de limpeza na vía, que quedaba aberta ao tráfico.
