O grupo do Partido Popular no Concello de Muxía solicita ao goberno local que proceda a facer a limpeza do Camiño dos Faros ao seu paso polo municipio muxián.
«A realidade é que esta ruta convertiuse nunha actividade fundamental para o sector turístico do noso concello e non é lóxico que chegando ao mes de xullo esté no estado que está, prácticamente intransitable en moitos puntos», comenta a portavoz Sandra Vilela, que engade que «prometéuselle ao sector que a ruta se limparía a principios deste mes segundo nos comentaron algúns hostaleiros e, sen embargo, co mes acabado non existe ningunha actuación para mantelo en condicións».
Os populares lembran que desde o concello «o ano pasado anunciouse que se tería a unha persoa solo para o mantemento deste trazado pero, unha vez máis, quedouse en nada».
