Info-AXEGA 112
Un neno menor de idade tivo que ser trasladado despois de sufrir un atropelo, no concello de Vimianzo.O suceso tivo lugar a poucos minutos das once da mañá no lugar de Carantoña. Foi a esa hora cando os servizos médicos alertaron ao 112 Galicia dun atropelo a un menor de idade na estrada comarcal AC-432, á altura do punto quilométrico 7.
Nese intre, os xestores do CIAE-112 informaron á Garda Civil de Tráfico e á Policía Local, aos Bombeiros de Cee e aos membros da Agrupación de Voluntarios de Protección Civil de Vimianzo.
Pese a que desde o primeiro momento, os servizos sanitarios informaron da mobilización dun helicóptero medicalizado para o punto, remataron por confirmarlle ao 112 que o neno foi traslado, finalmente, en ambulancia.
Co fin de garantir a seguridade na vía, desde o Centro Integrado de Atención ás Emerxencias de Galicia tamén se lle deu aviso ao servizo de mantemento de estradas.
