A xalleira máis lonxeva vive no lugar de Rieiro, na parroquia de Arantón. María Josefa Espasandín Caamaño acaba de cumprir o pasado 10 de maio 107 anos o que a confirman como a «Avoa de Santa Comba».
Recentemente «Mari Pepa de Rieiro» era unha das protagonistas da peza documental «Xalleiras en Varilongo». Segundo informan desde o concello de Santa Comba «María Josefa segue sendo a raíña da súa casa, e familiares e veciños segue valorando as súas historias, consellos, experiencias, amizade e cariño».
