Fonte-AXEGA 112
En Carballo, unha muller resultou ferida esta tarde ao ser atropelada por unha bicicleta ao seu paso por Vilariño, en Cances.Ao fío das 17:00 horas, o mesmo ciclista chamou ao 112 Galicia para indicar que acababa de atropelar a una muller coa bicicleta nunha pista ao carón do campo de fútbol de Monteneme. Aseguraba que a ferida estaba consciente pero que estaba caída e solicitaba asistencia sanitaria.
Ademais do persoal do Servizo de Urxencias Sanitarias de Galicia-061, que desprazou unha ambulancia ata o lugar, foron informados os axentes de Tráfico, da Policía Local, os Bombeiros de Bergantiños e os efectivos de Protección Civil da localidade.