AXEGA 112-
Unha persoa resultou ferida no concello coruñés de Teo despois de ser alcanzada por un turismo que, tras a colisión, continuou a marcha.O accidente tivo lugar ás 19:15 horas na AC-841 e, segundo a información facilitada polas persoas que chamaron ao 112 Galicia, produciuse cando a persoa trataba de cruzar un paso de peóns en Pontevea.
Nada máis ter constancia do suceso, os xestores do 112 puxeron os feitos en coñecemento dos servizos sanitarios, da Garda Civil de Tráfico, da Policía Local e dos membros de Protección Civil de Teo. Ademais, avisouse aos membros do GES da Estrada e do servizo de mantemento da vía por se fose necesaria a súa colaboración.
