Un total de cinco persoas foron excarceradas esta madrugada polos Bombeiros de Cee ao quedar atrapados no interior do vehículo no que viaxaban tras sufrir un accidente cando circulaban á altura do Porto de Brens, na localidade de coruñesa de Cee.
Unha persoa particular foi quen, ao fío da 01:00 horas desta noite, daba conta dos feitos ao 112 Galicia. Indicaba que un coche acababa de sufrir un accidente importante e que os seus ocupantes estaban atrapados no seu interior.
Así, desde o 112 Galicia pasouse aviso decontado ao Servizo de Urxencias Sanitarias de Galicia-061, aos Bombeiros de Cee e aos axentes de Tráfico. Así mesmo, informouse á Policía Local e aos efectivos de Protección Civil da localidade.
Unha vez no punto, os Bombeiros confirmaron a excarceración dos cinco ocupantes e o seu traslado polos servizos sanitarios ao centro hospitalario de referencia.
Info-Axega 112
