Un helicóptero medicalizado desprazouse esta tarde ata a Praia de Laxe para evacuar a unha muller que foi rescatada da auga tras sufrir unha indisposición.Así o comunicaba un particular cando chamou ao 112 Galicia, ás 17:30 horas de hoxe, para pedir axuda. Solicitaba asistencia para unha muller desmaiada.
Con estes datos, desde o 112 Galicia pasouse aviso ao Servizo de Urxencias Sanitarias de Galicia-061, que decontado comunicaron a mobilización da aeronave para evacuar á muller.
Para facilitar a aterraxe do helicóptero, prestaron colaboración os axentes da Policía Local e os efectivos de Protección Civil da localidade e unha vez despexado o areal, a aeronave puido tomar terra na mesma Praia e recoller á muller, que a trasladou ao centro hospitalario de referencia.
O 112 Galicia tamén informou dos feitos á Garda Civil e aos membros do GES de Ponteceso.
Información-AXEGA 112