O presidente provincial do Partido Popular e candidato número 2 pola provincial, Diego Calvo Pouso, será un dos protagonistas dun novo programa que Radio Xallas adica ás entrevistas electorais. Participará este martes 7 de xullo no programa «Na Encrucillada», que se emite desde as 11 da mañá.
Tamén estará neste programa a candidata do PSOE na Costa da Morte, a camariñana Encarna Liñeiro, para explicar as propostas desta formación, días despois da visita do candidato Gonzalo Caballero a Camariñas.
Por último, a última entrevista electoral deste programa será con Juan Garcilaso de la Vega, número dous da candidatura de Vox pola Coruña e vicepresidente provincial do partido.
