Unha persoa tivo que ser auxiliada polos bombeiros logo de quedar atrapada no seu coche, implicado nunha colisión frontal na Avenida de Fisterra en Arteixo. Os Bombeiros de Arteixo contaron coa colaboración dos membros de Protección Civil da vila e dos axentes de seguridade para rescatar á persoa, que permanecía atrapada dentro do coche despois de colidir de fronte contra outro vehículo.
Neste caso, a alerta puido activarse grazas á chamada dun particular que utilizou o número único de emerxencias 112 para pedir axuda.
