O condutor dun turismo resultou ferido de consideración a pasada noite en Val do Dubra despois de que o vehículo no que circulaba rematase fóra da vía.
O accidente ocorreu no lugar de Portomeiro, ao fío das 23:05 horas. Nese momento, unha persoa particular contactaba co 112 Galicia para dar conta do sinistro.
Decontado, os xestores do CIAE 112 Galicia pasaron o aviso a Urxencias Sanitarias de Galicia-061, aos Bombeiros de Xallas e á Garda Civil de Tráfico. Ademais, completaron este operativo os membros da Agrupación de Voluntarios de Protección Civil de Val do Dubra.
