Unha persoa particular alertaba esta mañá ao 112 Galicia do achado do corpo dunha muller flotando no río Ulla, moi preto da FINSA (Financiera Maderera S.A.), no concello de Padrón.
O 112 Galicia recibiu a chamada do alertante cando faltaban cinco minutos para as 10:00 horas e, a partir de aí, púxose en marcha o operativo de rescate, no que interviñeron ademais dos servizos sanitarios, os membros do GES e de Protección Civil da localidade, os axentes da Policía Local e da Garda Civil. Así mesmo, desde o 112 Galicia puxéronse os feitos en coñecemento dos Bombeiros de Boiro. Unha vez rescatado o corpo, as forzas da orde tratan de investigar as causas do achado.
Fonte-AXEGA 112
