O señor José Iglesias Fraga celebrou o sábado o seu 100 aniversario. José Manuel López Varela, alcalde do Concello da Laracha, felicitouno persoalmente e obsequiouno cunha placa conmemorativa e un ramo de flores en nome da Corporación municipal. A concelleira Rocío López e o cura párroco de Soandres, Don Manuel Mallo, tamén saudaron ao novo centenario larachés e aos seus familiares nesta sinalada data.
José Iglesias Fraga é natural do Portodoso, na parroquia de Soandres, onde residiu ao longo dos seus 100 anos de vida e está a piques de celebrar os 75 anos de casados coa súa dona, Dosinda Fraga Regueiro. Teñen 3 fillos, sete netos e dous bisnetos. Neste século de vida foi combatente na Guerra Civil española e traballou como labrego.
Na actualidade vive coa súa dona, Dosinda Fraga (95 anos), o seu irmán Enemesio Iglesias Fraga (84 anos), a súa filla Mª del Carmen e o seu xenro Pepe.
Información- Concello da Laracha
