Sobre as 16:00 horas deste xoves, o 112 Galicia recibía o aviso da Policía Local de Carballo que informaba dun choque entre tres vehículos, na Rúa de Parga.Ata o lugar, tras ser alertados polo 112 Galicia, desprazáronse ademais dos servizos sanitarios de urxencia, os Bombeiros de Carballo e os efectivos de Protección Civil.
Os Bombeiros, unha vez no punto, descartaron o uso do material de excarceración e confirmaron que só un dos ocupantes dos vehículos resultara ferido e que fora trasladado polos servizos sanitarios de urxencia. Así mesmo, indicaron que se tratou da saída de vía dun que chocou contra outros dous que estaban estacionados.
Información- AXEGA 112